El bibiotèque Louis Aragon
8 - El rédrie Jules Verne
« Tertous i sait qu’ej su tous les jors à l’bibiotèque scyintifique pi tecnique d’el Société industrielle d’Anmiens, qu’ale est rue d’el République. Ch’est lo qu’ej démuche l’matière à norir mes lives à histoéres, des romans qu’in dit. Chpindant, l’bibiotèque d’Anmiens qu’ale est ablokée rue d’el République ale ertient étou mn’atincion. In tant qu’échevin, j’o foét pertie d’ech « Comité d’erbéyage pi d’acatage ed lives d’el bibiotèque d’Anmiens » ed l’énée 1888 dusqu’in 1904. In 1895, j’o meume foét don ed quarante volumes ed mes euves. »
Ene eute rinconte intèr l’Bibiotèque pi ch’Jules Verne ale s’o tnu in l’an 2000 quand qu’Anmiens Métropole ale o dit qu’ale voulot racater l’colée à Gondolo della Riva, qu’ale étoét vuée à chl’écriveu, sn’euve, pi à sn’erchuvage din l’monde intier. Bin ringée din ch’bâtimint d’el bibiotèque, cha rprésinte 20 000 documints pi dz’agobilles, pi surtoute i n’y o ches lettes inter Jules Verne pi sn’éditeus Jules Hetzel. In y treuve étou des papiers écrits à l’main conme ses carnets d’voéyage, pi coér d’s agobilles à li in personne conme sin pipite pour li écrire o bin sin globe téresse.
L’colée-lo a sert ed solin pour chl’amoutrage qu’i reste à tnure à l’Moaison Jules Verne doù qu’in peut y vir à pau près 800 pièches.
Traduction Françoise DESMARET pour l'Agence régionale de la langue picarde
